Monseigneur, revenant de Voloire et de Sisteron

où jestoys allé en commission, jay passé à Dye, à Crest

et à Valence où le cappitaine Bernard ma balhé la lettre que je

vous envoye. Jay aprins audit Valence que monseigneur

s’en va à Vienne pour le baptesme du filz de monsieur

de Maugiron comme ma dict le jeune Monbrun qui est

venu devant, despeché par monsieur de Lessins. Au reste,

passant par les villages et villes de votre gouvernement,

tant à laller quau retour, jay treuvé que toutes choses

y passent et se maintienent fort paisiblement

et ny ay poinct entendu aucune plaincte, de quoy

je loue Dieu dont je vous ay bien voulu advertir,

comme jeusse faict si jeusse treuvé le contraire,

pour le desir que jay de vous fère paroistre la

devotion et affection que jay à votre service. Sur quoy

je feray fin par mes très humbles recommandations

à votre bonne grace, priant Dieu

monseigneur vous donner en santé longue et heureuse

vye. De Grenoble, ce VIe 7bre 1571.

Votre très humble et obeissant

serviteur

de Malloc

Je vous supplye, monseigneur, me faire advertir

si monsieur le president doybt estre icy le

XXe de ce moys comme lon dict ; car sil estoyt

encores là, je luy vouldroys bien luy escrire un mot

des [sic] mes arbres

- TOME : XVII

- F : 91::

- EXPEDITEUR : Gilbert, Guillaume, sieur de Maloc, conseiller au parlement du Dauphiné

- DESTINATAIRE : M. de Gordes

- DATE :

TYPE : reponse

CAT : reelle

- DATE : 1571-09-05

TYPE : expedition

CAT : reelle

- DATE : 1571-09-05

TYPE : expedition

CAT : affiche

- DATE : 1571-09-14

TYPE : reception

CAT : reelle

- LIEU : Grenoble

TYPE : expedition

GPS : 45° 19' 91'' N ; 5° 73' 62'' E

- LIEU : La Terrasse

TYPE : reception

GPS : 45° 31’ 87’’ N ; 5° 91’ 83’’ E

- HYPERLIEN :

- BIBLIOGRAPHIE :

- NOTE : Répondue